УИХ гишүүн, Засгийн газрын гишүүн, БХБ-ын сайд Х.Баделханы санаачилгаар "Цахим Баян-Өлгий-2019" хөтөлбөрийн хүрээнд тус аймагт “Гэрэгэ” киоск машиныг байршуулах нээлтийн арга хэмжээ боллоо.
“Гэрэгэ” киоск нь төлбөр тооцооны бүхий л үйлчилгээг гүйцэтгэх чадвартай. Өнөөдрийн байдлаар уг киоскоор улсын бүртгэлийн 53 үйлчилгэний төлбөрийг төлөх боломжтой. Ингэснээр иргэдэд үзүүлэх үйлчилгээ нэг шат ахиж, өөрөөр хэлбэл иргэд банкинд очерлохгүйгээр бүх банкны карт ашиглан Улсын бүртгэлийн үйлчилгээний төлбөр болон автомашины татвар, торгууль төлөх, Мобикомын нэгж авах боломж бүрдэж байгаа юм.

Бүртгэлийн байгууллага үүсч хөгжсөний 79 жилийн ой, Улсын бүртгэлийн нэгдсэн тогтолцоонд шилжсэний 10 жилийн ой, Бүртгэлийн ажилтны өдрийн баярын арга хэмжээ болж өндөрлөлөө. Үүнд
- Өлгий сумын Улсын бүртгэгч О.Алтанцэцэг ХЗДХЯамны Улсын бүртгэлийн тэргүүний ажилтан тэмдгээр,
- Цэнгэл сумын Улсын бүртгэгч Ц.Октябрь ХЗДХЯамны Хүндэт жуух бичгээр,
- Эд хөрөнгийн эрхийн улсын бүртгэлийн Улсын бүртгэгч К.Ерке УБЕГ-ын Жуух бичгээр,
- Бугат сумын Улсын бүртгэгч С.Лена УБЕГ-ын Жуух бичгээр,
- Иргэний улсын бүртгэлийн Улсын бүртгэгч С.Гүлжан УБЕГ-ын Хүндэт өргөмжлөлөөр шагнагдлаа.
Мөн аймгийн удирдлагууд болон хамтран ажилладаг байгууллагууд баярын мэндчилгээ дэвшүүлэн зарим албан хаагчдыг шагнан урамшуулав.